Diploma for Imaam

އިމާމުކަމުގެ ވަޒީފާ އަދާކުރުމަށް ޝައުޤުވެރިވާ ފަރާތްތަކަށް ވަޒީފާއަށް ބޭނުންވާ ޢިލްމު ލިބޭނެ މަގު ތަނަވަސްކޮށްދިނުމަށް ތަފާތު ފެންވަރުތަކުގެ ކޯސްތައް މިހާރުވަނީ ފަރުމާކުރެވިފައެވެ. އެ ގޮތުން އިމާމް ޑިޕުލޮމާ ކޯހަކީ އެކަށީގެންވާ މަތީ ފެނަވަރަކަށް އިމާމްކަމުގެ ދާއިރާއިން މީހުން ބިނާކުރުމަށް ތައްޔާރުކޮށްފައިވާ ކޯހެކެވެ. މި ކޯހުގެ ސަބަބުން އިމާމް ކަމުގެ ދާއިރާއަށް ނުކުންނަން ބޭނުންވާ ފަރާތްތަކަށް އެކަށީގެންވާ މަތީ ފެންވަރުގެ ޢިލްމު މި ކޯހުގެ ޒަރީޢާއިން ފޯރުކޮށްދެވޭނެއެވެ.
މި ކޯސް ފަރުމާކުރެވިފައިވަނީ މިރޮނގުން މިއަށްވުރެ މަތީ ތަޢުލީމު ޙާޞިލުކުރުމަށް ބޭނުންވާ ފަރާތްތަކަށް އެ ކަމަމަށް މަގުފަހިވާ ގޮތަށެވެ. މި ގޮތުން އިސްލާމްދީނުގެ ޢިލްމުގެ ތަޅުދަނޑި ކަމުގައިވާ ޢަރަބި ބަސް މި ކޯހުގެ މުހިންމު މާއްދާއެއްގެ ގޮތުގައި ހިމެނިފައިވާނެއެވެ.

• އިމާމު ކަމަށް ބޭނުންވާ ދީނީ މަޢުލޫމާތުތައް މަތީ ފެންވަރަކަށް އެނގި ޢަމަލީގޮތުން އަދާކުރަން އެނގޭ ބަޔަކު އުފެއްދުން.
• މުޅި ކީރިތި ޤުރްއާން ފަރިތަކަމާއެކު ތަޖްވީދުގެ ހަމަތަކާއެކު ރީތިރާގަށް ކިޔަވާ ބަޔަކު އުފެއްދުން.
• ތަޖުވީދުގެ އަސާސީ އެންމެހާ ޙުކުމްތައް އެކަށީގެންވާ ރަނގަޅު ފެންވަރަކަށް އެނގި ކިޔެވުމުގައި އޭގެ ބޭނުން ހިފުމުގެ ހުނަރުތައް ލިބިފައިވާ ބަޔަކު އުފެއްދުން.
• ކީރިތި ޤުރްއާނުން ހިތުދަސްކުރުމަށް ޝައުޤުވެރިކުރުވައި އެފަދަ މީހުން އުފެއްދުން.
• ތަޖުވީދުގެ ޙުކުމްތަކަށް ފަރުވާތެރިވެގެން ކީރިތި ޤުރްއާން ކިޔަވާ ޤުރްއާނުގެ ޢިލްމުގެ ހުނަރުވެރިން އުފެއްދުން.
• އިމާމެއްގެ ހައިސިއްޔަތުން އެނގެންޖެހޭ ފިޤްހުގެ ބަޔާއި ދީނީ މަޢޫލޫމާތު އެކަށީގެންވާ ރަނގަޅު ފެންވަރަކަށް އެނގި ، ހަރުލަންޖެހޭ އަޚްލާޤީ ރިވެތި ސިފަތަކަށް އަހުލުވެރިވެ އެސިފަތަކާ އެއްގޮތަށް އަޚްލާޤު ބައްޓަން ކުރާނެ މީހުން ބިނާކުރުން.
• އިސްލާމިކް ސްޓަޑީޒާއި ޝަރުޢީ ދާއިރާއިން ކުރިޔަށްދާން ބޭނުންވާ ފަރާތްތަކަށް އެ ރޮގުން ކުރިޔަށް ދެވޭނެ ޢިލްމީ ޤާބިލުކަންހުރި މީހުން އުފެއްދުން.
• ދިރިއުޅުމުގައި ޢާއްމުކޮށް ފެންނަ ކަންތައްތައްތަކާއި ތަކެއްޗަށް ޢަރަބި ބަހުން ކިޔާ ގިނަ ނަންތައް އެނގުމާއި އެކު، އަސާސީ ފެންވަރަކަށް ބަސް ބޭނުންކުރަން ދފަސްކޮށްދިނުން.
• ޢަރަބިބަހާ އަދި ދިވެހި ބަހުގެ ހަމަތަކާއި ޤަވާޢިދުތައް އެނގުމާއި އެކު، މި ދެބަހުން އުނގެނި ދަސްވެފައިވާ ޤަވާޢިދާއި އެއްގޮތަށް ލިޔާށާއި ވާހަކަ ދައްކަން ފަރިތަ ބަޔަކު އުފެއްދުން.
• ޢަރަބިބަހުން އެކިއެކި ދާއިރާތަކުން ލިޔެފައިވާ މަޒްމޫނާއި ޑައިލޮގް ގެ އެހީގައި، މުދައްރިސެއްގެ އެހީތެރިކަމާނުލައި، ޢާންމުކޮށް ބޭނުންވާ ކަންކަމާ ގުޅޭ ޖުމްލަތައް، ތަޢުބީރު ކުރުމަށާއި ބަހުގެެ އަސާސީ ޤަވާޢިދުތަކާއި އެއް ގޮތަށް ބަސް ބޭނުން ކުރެވޭ ފެންވަރުގެ ޤާބިލުކަން އަށަގެންނެވުން.
• އިންޓަރނެޓާއި ލެންގުއޭޖް ލެބޯޓްރީ އަދި ކޮމްޕިއުޓަރުގެ ވަސީލަތް ބޭނުންކޮށްގެން، އަސާސީ ފެންވަރަކަށް ޢަރަބި ބަހުން ލިއުމާއި ކިއުމުގެ ހުނަރު ތަރައްޤި ކުރުމުގެ ޤާބިލުކަން އުފެއްދުން.
• ޢަރަބި ބަހުން ކުރިން އެނގިފައިވާ މިންވަރު އިތުރަށް ފުޅާކުރުމުގެ ޤާބިލުކަން އިތުރުވުމާއި އެކު އިމާމް ކަމުގެ ދާއިރާއިން މަތީ ތަޢުލީމު ޙާޞިލުކުރެވޭ ފެންވަރަށް ޢަރަބި ބަހުގެ ޤާބިލުކަން އުފެއްދުން

• މި ކޯސް ފުރިހަމަކުރާ ފަރާތަކަށް އިމާމު ކަމަށް ބޭނުންވާ ދީނީ މަޢުލޫމާތު އެކަށީގެންވާ ރަނފަޅު ފެންވަރަކަށް އެނގި ޢަމަލީގޮތުން ފުރިހަމަ ގޮތުގައި އަދާކުރަން އެނގޭނެއެެވެ.
• މި ކޯސް ފުރިހަމަކުރާ ފަރާތަކަށް ކީރިތި ޤުރްއާން ފަރިތަކަމާއެކު ކިޔަވާން ދަސްވުމާއެކު މަތީ ފަންތިއަށް ވާޞިލުވުމަށް ފުރުޞަތު ތަނަވަސް ވެގެންދާނެއެވެ.
• މި ކޯސް ފުރިހަމަކުރާ ފަރާތަކަށް އެކަށީގެންވާ ފުރިހަމަ މިންވަރަކަށް ތަޖުވީދުގެ އަސާސީ އެންމެހާ ޙުކުމްތައް އެނގި ކިޔެވުމުގައި އޭގެ ބޭނުން ހިފުމުގެ ހުނަރުތައް ދަސްވެގެންދާނެއެވެ.
• މި ކޯސް ފުރިހަމަކުރާ ފަރާތަކަށް ކީރިތި ޤުރްއާނުން ކަނޑައެޅިފައިވާ ބައިތަކެއް ހިތުދަސްވެ އިތުރަށް ކީރިތި ޤުރްއާން ދަސްކުރުމަށް ޝައުޤުވެރިކަން އުފެދިގެންދާނެއެވެ.
• ތަޖުވީބުގެ ޙުކުމްތަކަށް ފަރުވާތެރިވެގެން ކީރިތި ޤުރްއާން ކިޔެވުމަށް ޝައުޤުވެރި ވާނެއެވެ.
• އިމާމެއްގެ ހައިސިއްޔަތުން އެނގެންޖެހޭ ދީނީ މަޢޫލޫމާތު އެނގި ، ހަރުލަންޖެހޭ އަޚްލާޤީ ރިވެތި ބައެއް ސިފަތަކަށް އަހުލުވެރިވެ އެސިފަތަކާ އެއްގޮތަށް އަޚްލާޤު ބައްޓަން ކުރަން އެގި އެކަން އޭގެ އެންމެ އަސާސީ މިންވަރުގައި  މީހުނަށް މި ސިފަތައް ބުނެދޭން އެނގޭނެއެވެ

• މަތީ ޘާނަވީ (ޖީ.ސީ.އީ އޭލެވެލް) ނިންމާ މަދުވެގެން 3 މާއްދާއިން ފާސްވެފައިވުން.
• އައްޝަހާދަތުއްޘާނަވިއްޔާ ، ނުވަތަ އެއާ އެއްފެންވަރުގެ، މޯލްޑިވްސް ކޮލިފިކޭޝަން އޮތޯރިޓީ ޤަބޫލުކުރާ ސަނަދެއް ހާޞިލުކޮށްފައިވުން.
• އީފަސް ކޮލިޖިއޭޓުން ހިންގާ އެޑްވާންސް ސެޓްފިކެޓް އިން އިސްލާމިކް ސްޓަޑީޒް ކޯސް ފުރިހަމަކޮށްފައިވުން.
• މޯލްޑިވްސް ކޮލިފިކޭޝަން އޮތޯރިޓީ ޤަބޫލުކުރާ، އެޑްވާންސް ފެންވަރުގެ ސަނަދެއް ގުޅޭ ދާއިރާއަކުން ހާޞިލުކޮށްފައިވުން.
• ޔުނިވަސީޓީ ޕްރެޕަރޭޝަން ޕްރޮގްރާމް ފުރިހަމަ ކޮށްފައިވުން