Certificate IV for Imaaa

އިމާމް އެޑްވާންސް ކޯހެއް މި އިނިސްޓިޓިއުޓުން ތަޢާރަފުކުރީ އިމާމު ކަމުގެ ދާއިރާއިން މަތީ ތަޢުލޫމުގެ ހަރުފަތަށް ވާޞިލުވުމަށް ބޭނުންވާ ފަރާތްތަކަށް އިތުރު ފުރުޞަތުތައް ހުޅުވާލައި އެ ރޮނގުން މަތީ މަރުޙަލާގެ ފުރުޞަތުތައް ފަހިކޮށްދިނުމުގެ މަޤުޞަދުގައެވެ. މި ކޯހުގެ އަމާޒަކީ އިމާމް ކަމުގެ ދާއިރާއިން ސެޓްފިކެޓް ލެވެލް 3  ޙާޞިލުކޮށްފައިވާ ފަރާތްތަކަށް އެޑްވާންސް ލެވެލް އާ ހަމަޔަށް ދެވޭނެ މަގު ފަހިކޮށްދިނުމެވެ. އަދި މީގެ އިތުރުން މޯލްޑިވްސް ކޮލިފިކޭޝަން އޮތޯރިޓީ ޤަބޫލުކުރާ ލެވެލް 3 ގެ ސަނަދެއް ޙާޞިލުކޮށްފައިވާ ފަރާތްތަކަށްވެސް މިކޯހުގެ ޒަރީޢާއިން އިމާމް ކަމުގެ ދާއިރާއަށް ދިއުމުގެ ފުރުޞަތު ފަހިވެގެންދާނެއެވެ.

• ޘާނަވީ ތަޢުލީމު، ނުވަތަ ޖީސީ އޯލެވެލް ފުރިހަމަކުރުމަށްފަހު އިމާމްކަމުގެ ދާއިރާއިން ކުރިޔަށްދާން ބޭނުންވާ ފަރާތްތަކަށް އެ ރޮގުން ކުރިޔަށް ދެވޭނެ ޢިލްމީ ޤާބިލުކަން އުފެއްދުން.
• އިމާމް ކަމުގެ ދާއިރާއިން މި ލެވެލްގެ ކޯހެއް ފުރިހަމަކުރާ ފަރާތަކަށް ބޭނުންވާ ދީނީ މަޢުލޫމާތު އެނގި ޢަމަލީގޮތުން އަދާކުރަން އެނގުން.
• ކީރިތި ޤުރްއާން ރީއްޗަށް ތަޖްވީދުމަގުން ކިޔަވަން ދަސްކޮށްދިނުމާއި އެކު ތަޖްވީދުމަގުން ކިޔަވަން އެނގުން.
• އިސްލާމީ ފިޤްހުގައި ހިމެނޭ އިންސާނީ ޙަޔާތަށް ބޭނުންވާ މުހިންމު ބައިތައް އެނގި އިސްލާމީ ތަޢުލީމުގެ ދާއިރާއިން ކުރިޔަށް ދިއުމުގެ ޤާބިލުކަން އުފެއްދުން.

• މި ކޯސް ފުރިހަމަކުރާ ފަރާތްތައް ޘާނަވީ ތަޢުލީމު، ނުވަތަ ޖީސީ އޯލެވެލް ފުރިހަމަކުރުމަށްފަހު އިމާމްކަމުގެ ދާއިރާއިން ކުރިޔަށްދާން ބޭނުންވާ ފަރާތްތަކަށް އެ ރޮގުން ކުރިޔަށް ދެވޭނެ ޢިލްމީ ޤާބިލުކަން ލިބެގެންދާނެއެވެ.
• މި ލެވެލްގެ ކޯހެއް ފުރިހަމަކުރާ ފަރާތަކަށް އިމާމްކަމުގެ ދާއިރާއިންް ބޭނުންވާ ދީނީ މަޢުލޫމާތު އެނގި ޢަމަލީގޮތުން އަދާކުރަން އެނގިގެންދާނެއެވެ.
• މި ކޯސް ފުރިހަމަކުރާ ފަރާތަކީ ކީރިތި ޤުރްއާން ރީއްޗަށް ތަޖްވީދުމަގުން ކިޔަވަން އެނގޭ މީހަކަށްވާނެއެވެ.
• އިސްލާމީ ފިޤްހުގައި ހިމެނޭ މުހިންމު ބައެއް ބައިތައް އެނގި އިމާމްކަމުގެ  ދާއިރާއިން ކުރިޔަށް ދިއުމުގެ ޤާބިލުކަން އުފެއްދިގެންދާނެއެވެ.